မြန်မာ့အာမခံ၏ မျှော်ရည် သုံးသပ်ချက်


သဘာဝဘေးအန္တရာယ်နှင့် လူသားတို့၏ အမှားကြောင့် ဖြစ်ပေါ်လာသော လူမှုရေး၊ စီးပွားရေး နစ်နာဆုံးရှုံးမှုများ လျော့နည်း ပပျောက်ရေးအတွက် ပြည်သူပြည်သားများ အာမခံထားခြင်းခြင့် ကြိုတင်ကာကွယ်ရန် လိုအပ်ပါသည်။

 

မြန်မာ့ အာမခံ၏ ခံယူချက်


လူသားတို့၏ အမှားကြောင့်လည်းကောင်း၊ သဘာဝ ဘေးအန္တရာယ်ကြောင့်လည်းကောင်း၊ စီးပွားရေး၊ လူမှုရေး အရ နစ်နာဆုံးရုံးမှုများကို ရင်းစားပြန်လည် ရရှိစေနိုင်သည့် ဆုံးရှုံးနိုင်ခြေ စီမံခန့်ခွဲမှု နည်းလမ်းတစ်ခုဖြစ်သော အာမခံလုပ်ငန်းဖြင့် ပြည်သူများအား အကာအကွယ် ပြုသွားရန် အစဉ်ကြိုးပမ်းဆောင်ရွက်နေမည်။



အာမခံအကြောင်းသိကောင်းစရာ အသိပညာပေးဟောပြောပွဲကျင်းပပြုလုပ်ခြင်း

မြန်မာ့အာမခံလုပ်ငန်း၊ ပဲခူးတိုင်းဒေသကြီးရုံးမှ အာမခံအကြောင်းသိကောင်းစရာ အသိပညာပေးဟောပြောပွဲကို (၆-၁-၂၀၁၈)ရက်နေ့ နံနက်(၁၀:၀၀)နာရီတွင် သနပ်ပင်မြို့၊ မင်းရွာ၊ အရိယာမဂ္ဂင်ဓမ္မာရုံကြီးတွင် ကျင်းပပြုလုပ်ရာ မင်းရွာရဲစခန်းမှူးနှင့် ကုန်းလမ်းပို့ဆောင်ရေးညွှန်ကြားမှုဦးစီးဌာနမှ အရာရှိများ၊ ဝန်ထမ်းများ၊ ရပ်ကွက်အုပ်ချုပ်ရေးမှူးများ၊ မြို့မိမြို့ဖများနှင့် စိတ်ဝင်စားသူများ စုစုပေါင်း (၂၀၀)ဦးခန့် တက်ရောက်ခဲ့ပါသည်။

အဆိုပါဟောပြောပွဲတွင် ပဲခူးတိုင်းဒေသကြီးရုံးခွဲတာဝန်ခံမှ ပဲခူးတိုင်းဒေသကြီးရုံးမှ လက်ခံဆောင်ရွက်ပေးလျက်ရှိသော အာမခံလုပ်ငန်းများအကြောင်း ဆွေးနွေးပြောကြားခဲ့ပြီး၊ အဆိုပါလုပ်ငန်းများထဲမှ တောင်သူလယ်သမားအသက်အာမခံလုပ်ငန်း၊ သူတစ်ပါးထိခိုက်မှု အာမခံလုပ်ငန်း၊ မီးနှင့်အထွေထွေအာမခံလုပ်ငန်း၊ ခရီးသွားအာမခံလုပ်ငန်းများအကြောင်း အဓိကထားရှင်းလင်းခဲ့ပြီး ရရှိနိုင်မည့် အကျိုးခံစားခွင့်များနှင့်ပတ်သက်၍လည်း ရှင်းလင်း ပြောကြားခဲ့ပါသည်။ အဆိုပါဟောပြောပွဲသို့ တက်ရောက်လာသူများမှ သိလိုသည့် မေးမြန်းဆွေးနွေးမှုများကို ပြန်လည်ရှင်းလင်းဆွေးနွေးပြောကြားခဲ့ပါသည်။

ဆက်လက်၍ ကုန်လမ်းပို့ဆောင်ရေးညွှန်ကြားမှုဦးစီးဌာန၊ ဦးစီးအရာရှိမှ မြန်မာ့အာမခံလုပ်ငန်းတွင် လက်ခံဆောင်ရွက်ပေးနေသော အာမခံလုပ်ငန်းများအား ထားရှိ ခြင်းအားဖြင့် မတော်တဆဘေးအန္တရာယ်များ၊ သဘာဝဘေးအန္တရာယ်များ ကြုံတွေ့လာပါက အကျိုးခံစားခွင့်ရရှိနိုင်ရန် အာမခံများထားသင့်ကြောင်း တိုက်တွန်းဆွေးနွေးပြောကြားခဲ့ပါသည်။

Newsletter!!!

Subscribe to our weekly Newsletter and stay tuned.