| ၁။ | မြန်မာ့အာမခံလုပ်ငန်းတွင် လစ်လပ်လျက်ရှိသော အငယ်တန်းစာရေး (လစာနှုန်းကျပ် ၁၈၀၀၀၀-၂၀၀၀-၁၉၀၀၀၀) ရာထူး (၄၈) နေရာအတွက် ၂၃-၈-၂၀၂၄ ရက်နေ့တွင် မြန်မာ့အလင်း သတင်းစာ၌ ကြော်ငြာခေါ်ယူခဲ့ပြီးဖြစ်ပါသည်။ | ||
| ၂။ | အဆိုပါ ကြော်ငြာမှ အငယ်တန်းစာရေးရာထူးနေရာများအတွက် အောက်ပါသတ်မှတ်ချက် များနှင့် ကိုက်ညီသူများသည် ကိုယ်တိုင်ရေးလျှောက်လွှာပုံစံနှင့်အတူ လိုအပ်သည့် စာရွက်စာတမ်း များပူးတွဲ၍ မြန်မာ့အာမခံလုပ်ငန်း (ရုံးချုပ်) ရန်ကုန်တွင် ၁၆-၉-၂၀၂၄ ရက်နေ့အစား ၁၁-၁၀-၂၀၂၄ ရက် (သောကြာနေ့) နောက်ဆုံးထား၍ လူကိုယ်တိုင်ဖြစ်စေ၊ ကိုယ်စားဖြစ်စေ ရုံးချိန်အတွင်း လာရောက်လျှောက်ထားနိုင်ပါသည်။ | ||
| ၃။ | လျှောက်ထားသူသည် – | ||
| (က) | ပြည်ထောင်စုသမ္မတမြန်မာနိုင်ငံသားဖြစ်ရမည်။ | ||
| ( ခ ) | ၁၁-၁၀-၂၀၂၄ ရက်နေ့တွင် အသက်(၃၀)နှစ်ထက် မကျော်လွန်သူဖြစ်ရမည်။ | ||
| ( ဂ ) | ကျန်းမာရေးကောင်းမွန်သူဖြစ်ရမည်။ | ||
| (ဃ) | ကွန်ပျူတာကျွမ်းကျင်စွာအသုံးပြုနိုင်သူဖြစ်ရမည်။ | ||
| ၄။ | လျှောက်လွှာနှင့်အတူ အောက်ပါအထောက်အထားများ ပူးတွဲလျက် မြန်မာ့အာမခံလုပ်ငန်း (ရုံးချုပ်) ရန်ကုန်မြို့သို့ ၁၁-၁၀-၂၀၂၄ ရက်နေ့အရောက် ပေးပို့လျှောက်ထားရမည်- | ||
| (က) | တက္ကသိုလ်တစ်ခုခုမှဘွဲ့ရ (သို့မဟုတ်) အခြေခံပညာအထက်တန်းအောင်မြင်သူ | ||
| (ခ) | ဘွဲ့လက်မှတ်မိတ္တူ (သို့မဟုတ်) အခြေခံပညာအထက်တန်းအောင်လက်မှတ်မိတ္တူ (စာမေးပွဲဖြေဆိုသည့်အခါ ဘွဲ့လက်မှတ် (သို့မဟုတ်) အခြေခံပညာ အထက်တန်းအောင် လက်မှတ်မူရင်းတင်ပြရန်) | ||
| ( ဂ ) | အသက်အထောက်အထားအတွက် အခြေခံပညာအထက်တန်းအောင်လက်မှတ်မိတ္တူ | ||
| (ဃ) | ရက်သတ္တပတ် (၂) ပတ်အတွင်း ရိုက်ကူးထားသော ပတ်(စ်)ပို့ဓာတ်ပုံ (၃) ပုံ
(နောက်ကျောတွင် အမည်၊ နိုင်ငံသားစိစစ်ရေးကတ်ပြားအမှတ် ဖော်ပြရန်) |
||
| (င) | ဝန်ထမ်းမဟုတ်သူများအတွက် သက်တမ်းရှိသော အလုပ်သမားမှတ်ပုံတင်ကတ်ပြား မိတ္တူ (ဖြေဆိုခွင့်ကတ်ပြားထုတ်ယူချိန်တွင် မူရင်းတင်ပြနိုင်ရမည်။) | ||
| (စ) | ကျန်းမာကြောင်းဆေးလက်မှတ် (မူရင်း) | ||
| (ဆ) | အိမ်ထောင်စုလူဦးရေစာရင်းမိတ္တူ | ||
| (ဇ) | အကျင့်စာရိတ္တကောင်းမွန်ကြောင်း သက်ဆိုင်ရာ ရပ်ကွက်/ ကျေးရွာအုပ်ချုပ်ရေးမှူး၏ ထောက်ခံချက် (မူရင်း) | ||
| (ဈ) | သက်ဆိုင်ရာမြို့နယ်မြန်မာနိုင်ငံရဲတပ်ဖွဲ့မှ ပြစ်မှုကင်းရှင်းကြောင်း ထောက်ခံချက် (မူရင်း) | ||
| ၅။ | နိုင်ငံ့ဝန်ထမ်းအဖြစ် လုပ်ကိုင်ခဲ့ဖူးသူများအနေဖြင့် ဝန်ထမ်းစည်းကမ်းဆိုင်ရာပြစ်ဒဏ် တစ်မျိုးမျိုးခံခဲ့ရဖူးသူဖြစ်ပါက ပြစ်ဒဏ်အမျိုးအစားကို လျှောက်လွှာတွင် (မပျက်မကွက်) ထည့်သွင်း ဖော်ပြထားရမည်ဖြစ်ပြီး ဝန်ထမ်းအဖြစ်မှထုတ်ပစ်ခြင်း (Dismissal) ခံရသူများ လျှောက်ထားခွင့် မရှိပါ။ | ||
| ၆။ | သတ်မှတ်ထားသည့် စာရွက်စာတမ်း မပြည့်စုံလျှင်သော်လည်းကောင်း၊ သတ်မှတ်ထား သောရက်ထက် နောက်ကျမှရောက်လာလျှင်သော်လည်းကောင်း၊ လျှောက်လွှာများကို လက်ခံ စဉ်းစားမည်မဟုတ်ပါ။ | ||
| ၇။ | ရေးဖြေစာမေးပွဲကို ရန်ကုန် (ရုံးချုပ်)နှင့် သက်ဆိုင်ရာ တိုင်းဒေသကြီး/ ပြည်နယ်/ ခရိုင်ရုံးများ တွင် ၂၆-၁၀-၂၀၂၄ နံနက် ၁၀:၀၀ နာရီမှ ၁၂:၀၀ နာရီအထိ အင်္ဂလိပ်စာဘာသာရပ်ကိုလည်းကောင်း၊ နေ့လယ် ၁:၀၀ နာရီမှ ၄:၀၀ နာရီအထိ မြန်မာစာနှင့် အထွေထွေဗဟုသုတဘာသာရပ်ကို လည်းကောင်း ဖြေဆိုရမည်ဖြစ်ပြီး ရေးဖြေစာမေးပွဲ အောင်မြင်သူများကို လူတွေ့စစ်ဆေးရွေးချယ် ခန့်ထားသွားမည်ဖြစ်ပါသည်။ | ||
| ၈။ | ဖြေဆိုခွင့်ကတ်ပြားများကို ၂၄-၁၀-၂၀၂၄ ရက်နေ့နှင့် ၂၅-၁၀-၂၀၂၄ ရက်နေ့များတွင် မြန်မာ့အာမခံလုပ်ငန်း (ရုံးချုပ်) နှင့် သက်ဆိုင်ရာ တိုင်းဒေသကြီး/ ပြည်နယ်/ ခရိုင်ရုံးများတွင် ရုံးချိန် အတွင်းထုတ်ပေးမည်ဖြစ်ပြီး နိုင်ငံသားစိစစ်ရေးကတ်ပြားနှင့်အတူ ကာယကံရှင်ကိုယ်တိုင်လာရောက် ထုတ်ယူရမည်ဖြစ်ပါသည်။ | ||
| ၉။ | အသေးစိတ်အချက်အလက်များသိရှိလိုပါက မြန်မာ့အာမခံလုပ်ငန်း (ရုံးချုပ်) ၆၂၇/ ၆၃၅ ကုန်သည်လမ်း၊ ၂၉ လမ်း နှင့် လမ်း ၃၀ ထောင့်၊ ပန်းဘဲတန်းမြို့နယ်၊ ရန်ကုန်တိုင်းဒေသကြီး၊
ဖုန်း- ၀၁၈-၃၇၉၀၈၈ သို့ ဆက်သွယ်မေးမြန်းစုံစမ်းနိုင်ပါသည်။ |
||
မြန်မာ့အာမခံလုပ်ငန်း
စီမံကိန်းနှင့် ဘဏ္ဍာရေးဝန်ကြီးဌာန
379088, 384865, 252372, 246902
384881, 384876, 386919
384870, 384868
379188
251764, 384874, 384867
251761
384864, 384873
